Xebata cigêrayîş û xelisnayîşî ya erdlerzê Îzmîrî qedîya. Dîya zanayene ke erdlerzê Îzmîrî de 114 kesî merdî û 1035 kesî zî birîndar bîyî.

Erdlerzê Îzmîrî de hûmara kesanê ke dinyaya xo bedilnay resay 114. Xebata cigêrayîş û xelisnayîşî ya erdlerzê Îzmîrî  roja 5. de qedîya.

Goreyê zanayîşan ê peyênan erdlerz de bi temamî 114 kesî merdî û 1035 kesî zî birîndar bîyî. Birîndaran ra tedawîya 137 kesan dewam kena.

Şewe erey dima ke meyîtê Zarîfe Dogan binê bînaya rijîyaye ra ameye vetene xebata cigêrayîş û xelisnayîşî qedîyaye.

Makîneyê karî xirabeyê bînayan wedarenê.