Kuçeyê Îstîklalî yê Îstanbulî de teqayîşêk qewimîya. Goreyê selahîyetdaran teqaşî de 6 kesan dinyaya xo bedilnaye û 53 kesî birîndar bîyî.

Kuçeyê Îstîklalî yê Îstanbulî de saete 16: 40 de teqayîşêk qewimîya ke hema sebebê ci nîno zanayene.

Xeylêk ekîbê weşîye şawîyayî warê teqayîşî. Sebebê teqayîşî hema eşkera nêbîyo.  Goreyê selahîyetdaran  teqaşî de 6 kesan dinyaya xo bedilnaye û 53 kesî birîndar bîyî.

Rîyê teqayîşî ra magazayanê dormeyî de zî xesar vejîya. Dîya zanayene ke teqayîş qezayanê dormeyî ra zî ame eşnawitne. Yeno vatene ke vengê teqayîşî bitaybetî heta Beşîktaş û Şîşlî şîyo.

Serdozgerîya Komare ya Îstanbulî derheqê teqayîşî de cipersayîş da destpêkerdene. Dadgerîya Cezaya Sulhî ya Îstanbulî cade dima ra qerarê qedexeyê weşanî girewt.