Merkezê Xeberan - Hetêk ra dewleta Îranî û hetêk ra zî dewleta Tîrkîya ewro Başûrê Kurdistanî day bombayena ver.

Ewro serê siba Herêma Kurdistanî ser ra teyarayê Tirkîya û Îranî gêray û koyê a mintiqa bombarduman kerdî.

Dewleta Îranî û dewleta Tîrkîya ewro mintiqaya Balekayetî ya Hewlêrî pê teyarayan bombarduman kerd.

Topxaneyê Îranî ewro dewa Alanî ya ke sînorê Hacî Omaranî de ca gêna topvaran kerd. Herêma Çoman û mintiqaya Balekayetî  hetê hêzanê Îranî ra yene topvaran kerdiş û teyareyê şerî ê bêpîlot ê artêşa Tirkîya zî a mintiqa bombardûman kenê.