Heyeta PAKî roja 30.07.2019 wîlayetê Herêma Kurdistanî Hewlêr de Wezaretîya Pêşmergeyan ziyaret kerd.

Heyeta PAKî ke tede Hetkarê Serekê Pêroyî yê PAKî Kasim Ergun, endamê Komîteya Îdarekar ê PAKî Abdurahman Gundikî û Orhan Kaya estbî, roja 30.07.2019 de Hewlêr de Wezaretîya Pêşmergeyan zîyaret kerd.

Hetkarê Wezîrê Pêşmergeyan Serbest Sindorî şi heyeta PAKî ver.
 

Hetkarê Wezîrê Pêşmergeyan Serbest Sindorî zîyaretê heyeta PAKî ver keyfweşîya xo îfade kerd û heyete rê sipas kerd.

 
Serbest Sindorî  derheqê rewşa pêşmergeyan, xebatên pêşmergeyan û huzurê Vaşûrê Kurdistanî de zanayîş da heyeta PAKî.

Nameyê heyeta PAKî ser o Kasim Ergunî seba  eleqeyê înan, Hetkarê Wezîrê Pêşmergeyan Serbest Sindorî rê sipas kerd û derheqê wazîyetê Vakurê Kurdistanî û Tirkîya de zanayîş da.

Kasim Ergunî derheqê hêrişên Dewleta Tirkîya ê Vaşûr û Rojavayê Kurdistanî ser o behsê razînêbîyayîş û reaksîyonê PAKî kerd. Kasim Ergunî îzah kerd ke, falîyetê PKK ê Vaşûrê Kurdistanî zerar danê serkewtiş û qezencanê Vaşûrê Kurdistanî.
Hetkarê Serekê Pêroyî yê PAKî Kasim Ergunî îzeh kerd ke, PAK her tim desteg dana Wezaretîya Pêşmergeyan û seba ke pêşmergeyî şarê ma û Kurdistanê ma pawenê heme fermandar û pêşmergeyanê Kurdistanî sipas kerd.