Heyeta PAK û PSK vizêr semedo ke derheqê dewaya qefilnayîşî ke partîyanê înan ra ameya akerdiş de hetkarî bigîrê, Anqara de çend partî û komelê sîvîlî zîyaret kerdbî.

Na çarçewa de Partîya Demokratîk a Şaran HDP zî ameybî zîyaretkerdiş. Heyeta PAK û PSK Hemsereka HDP Pervîn Buldane de kom bibî.

Ame zanayîş ke Hemsereka HDP Pervîn Buldane heyete ra vata; Ma do vera qerarê qefilnayîşê partîyanê Kurdistanî her tewir destegê xo îzah bike. 

Hemsereka HDP Pervîn Buldane wina va; Seba ke heyeta PAK û PSK partîya ma zîyaret kerda ez înan rê sipas kena. Ma ewro şahîd benê ke seba ke namê înan ra kelîmeya Kurdistan vîyarena Tirkîya de dewlete kena ke partîyan biqefilno. Ma wina yew muamele qebûl nêkenê.  Semedê demokratîkbîyayîşê Tirkîya gere hînî partî nêrê qefilnayene. 

Buldane îzah kerd ke ê sey HDP do her tewir desteg bidê kampanyaya PAK û PSK û wina va: Hûqûqî beno sîyasî beno ferq nêkeno, çi destê ma ra bêro ma do bike. Ma do desteg bide kapanyaya partîyanê Kurdistanîyan.”

Serekê Pêroyî yê PAKî Mustafa Ozçelîkî zî îzeh kerd ke, semedê na neheqîya ke înan rê bena kampanyayêka hîra do bidê dest pêkerdene û partîyê bînî zî bêrê zîyaretkerdene.