Vizêr wîlayetê Iraqî Musenna de, gorê cinî tutanê Kurdan ê ke texmîn beno wextê jenosîdê Enfalî de ameyê qetilkerdiş amebi vînayîş. Humara qurbanîyan resa 80.

Vizêr wîlayetê Iraqî Musenna de, gorê cinî tutanê Kurdan ê ke texmîn beno wextê jenosîdê Enfalî de ameyê qetilkerdiş amebi vînayîş. Humara qurbanîyan resa 80.

Mezelo ke ame vînayîş bi kontrolê Dezgeyê Tipa Edlî ya Iraqî, Îdarekarê Wîlayetê Musenna  û keyeyê kesê ke qetlîam de ameybî qetlkerdiş de ame akerdiş.

Ewro zî aşkera bi ke, 80 kesê ke demê rejîmê Seddamî de ameyê qetlkerdiş şarê Başûrê Kurdistanî Germîyan ra yê.

Parlementera Kurde Heder Barzanî zî ewro şîy cayê mezelî. Vajîyeno ke keyeyê Hedar Barzanî zî demê qirkerdişê Enfalî de qetl bîyo. 

Parlementera PDK Heder Barzanî cayê kendişê mezelî de xemîya. 

Mabênê serranê 1983-1989 de hetê rejîmê Seddamî ra Enfal de jenosîd amebi kerdene û 182 hezar Kurdî ameybî qetlkerdiş.