Firokeyên şer yên Tirkiyê gundekî devera Pişder ya Herêma Kurdistanê bordûman kirin.

Qaymeqamê nahiya Îsêwe ya bajarokê Qeladizê, Bekir Weysî ji televîzyona K24 re gotiye, îro danê sibê firokeyên şer yên Tirkiyê 3 caran gundê Şênê yê Qeladizê bordûman kirin.

Bekir Weysî daye zanîn, ew hîn nizanin ka ziyanên canî hene yan na, ji ber ku hîn jî firoke bi ser deverê de difirrin.

Bi gotina qaymeqamê Îsêwe, çend mal û xaniyên gundiyan ziyan dîtine.

Li gorî agahiyan, firokeyên Tirkiyê bi hêceta hebûna hêzên PKKê ew der bordûman kirine lê ti baregeheka PKKê li wir nîne.