Hat ragihandin ku demek berê dîplomatê Amerîkayê David Bronstein ku nûnertiyê di hevdîtinên ENKS û PYNK yên yekrêzîya li Rojavayê Kurdistanê de dike, bi ENKSê re civiyaye.

Li gorî zanyariyên çavkaniyên xwecihî civîna David Bronstein roja Yekşema borî ligel şanda ENKSê pêk hatiye û ENKSê diyar kiriye ku ew bê ti şert mercan dixwazin dîyaloga ligel PYNKê berdewam bike.

ENKSê herwiha ji nûnerê Amerîka David Bronstein daxwaz kiriye, partî û aliyên ku ji danûstandinên Kurdî-Kurdî re dibe asteng jî tespît û eşkere bikin.

Çavkaniya nêzîkî ENKSê herwiha diyar kiriye ku ew bi awayekî cidî nêzîkî diyalogê diben û wan ji nûnerê Amerîka jî xwestiye ji bo gotûbêjên ligel PYNKê demê diyar bikin.

Çavkaniyê daye zanîn ku dîplomatê Amerîkî daxwazên wan li cem xwe not kirine û ji wan re gotiye, piştî hevdîtina ligel aliyê PYNKê ew dê li wan vegere.