Goreke bikomî li nava bajarê Efrînê hat dîtin. Li gor zanyariyan, heta niha dora 40 cenaze ji gorê hatine derxistin û nayê zanîn ew cenaze yên kê ne.

Li gor çavkaniyên xwecîhî, hêzên ewlehiyê yên li Efrînê û hêzên Tirkiyê do goreke bikomî li tenişta avahiya Encûmena Xwecihî ya Efrînê (Zanîngeha Efrînê ya berê) dîtin.

Li gor zanyariyan, karên kolan û lêgerîna li cenazeyan, heta îro berdewam e û heta niha dora 40 cenaze ji wê gorê hatine derxistin û lêgerîna li cenazeyan hîn berdewam e.

Çavkaniyên xwecîhî destnîşan kirine, ew cenaze bi kîsên spî hatine pêçandin û veşartin û nayê zanîn ew cenaze ên kê ne û çawa hatine kuştin.

Rewangeha Sûrî ya Mafên Mirovan di derbarê wê gorê de diyar kir, Artêşa Tirkiyê û komên çekdar ên opozîsyona Sûriyê yên di bin fermana Tirkiyê de kar dikin, roja 20ê Çileya 2018an êrîşî ser Efrînê kirin û piştî şerê 58 rojan, roja 18ê Adara 2018an ketin Efrînê dagîr kirin.

Di encama êrîşê de û li gor amarên hatine ragihandin zêdetir ji 300 kesên sivîl di encama êrîşê de hatin kuştin û zêdetir ji 700 sivîl jî birîndar bûn.