E-kovarêk bi namê 'Kubar' vejîya

Bi namê "Kubar" kovarêka sey online dest bi weşana xo kerde. E-kovara Kubar do babetanê moda, makyaj û her çîyê derheqê cuyayîşî de weşana xo biko.

A+A-

Merkezê Xeberan- Heta nika bi namê e-kovar înternet ser ra bi kurdî kovar ameybî hadrekerdiş û weşanayîş, nika yewna zêde bî: Kubar.

Kubar bi edîtorîya Ayşenûr Ozel û Leyla Arısoy dest bi weşane kerd û şêwirmendî û redaktorîya kovare Înan Eroglu keno.

Kovara Kubare vana: "Ma qayîlê şima pê kêyfweşî biwanî. Meqsedê ma no yo ke, ma modaya dinya û ya kurdan nîşan bide."

Hûmara Kovare ya yewine de babetê sey Bedil, Kum, Dîyet, Sersal, Trend, Instagram. Makyaj, Dekorasyon, Favorîyê Aşme, Kamî çi da xora?, Weçîneteyê Kubar, Pêşnîyaz, Kubar, Nuşte û foto estê.

Kovara ke 26 rîpelan ra yena pê de qepaxê hûmara yewine de fotografêka cinîyêka kelhore ya Kirmanşanî ameya xebitnayîş.

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin