Ame resnayene ke teyareyê bêmerdim yê hêzê Efganistanî ‘bi şaşî’ bombe varnayo sivîlan sere ro. Hêriş vera tewr tay 30 sivîlî merdî û 40 kesî zî birîndar biyî.

Goreyê eşkerayîya çimeyanê fermî, teyareyê şerî yê bêmerdim yê aîdê hêzê Efganî rojhelatê Efganistanî de wexto ke waşto bombe bivarno cayo ke çeteyê DAIŞî xo tede nimitî sere ro, labelê ‘bi şaşî’ dayo citkaran ro.

Endamê meclîsê wîlayetê Nangarharê Sohrab Kaderî dîyar kerd ke hêriş vera 30 karkerî cuya xo vindî kerdî û nizdîyê 40 karkerî zî birîndar bîyî.

Wezîrîya Pawitişî hêriş tesdîq kerd, labelê sewbîna xeberî eşkera nêkerdî.