Merkezê Xeberan - Wîlayetê Bakurê Kurdistanî Amed de roja yewine ya Roşanê Remezanî de domanêko 3 serrî pa dadîya xo erşawîya hepisxane.

Amed de roja şeme mudirîya polîsan ya Tirkîya operasyone kerde û bi namê Gonul Aslan a ke endama Encûmenîya Şaredarîya Wezaya Baglarî bî, 11 kesanê bînan dir îdîaya “ Endamtîya PKKî” ra ameybî tepiştiş.

Wexto ke Gonul Aslan amey tepiştiş lajê aye Dilgeş zî aye dir bi. Gonul 8ê şewe de neqlê dadgeha nobedare bîy, amey tewqîfkerdiş û erşawîya hepisxane.

Dilgeşo 3 serrî ke babîyê ey teberê Amedî de bi, vizîr serê siba, dadîya xo dir pîya erşawîya Hepisxaneyê Dîyarbekirî.