Programê Festîvala Kultur û Xoza ya Mûnzûrî ya 19’ine ke do emser mabênê 25-28'ê Temmuze de bêra viraştene, eşkera bi

Komîteya Amadekare ya Festîvala Kultur û Xoza ya Mûnzûrî ya 19’ine ke do  emser mabênê 25-28'ê Temmuze de bêra viraştene, programê festîvale eşkera kerd.

Komîte aşkera kerd ke, înan hadrebîyayîşê festîvale temam kerdo û seba programî muracatê meqamanê eleqedaran kerdo. Komîte da zanayîş ke, festîvale do bi sloganê 'Wayîrê bawerî, ziwan û kulturê Dêrsimî bivejîyê, Biciwîye û bide ciwînayene'  bêra viraştiş û 4 rojî dewam bikera. Programê festîvale de muzîkî ra bigêr heta ekolojî, felsefe ra bigêr heta hunerê weşikan, tîyatro ra bigêr heta sînema, kargehê cinîyan ra bigêr heta kargehê domanan zaf çî esto.

Çarçeweya Festîvale de do derheqê ziwan, îtîqat, ekolojî û xeylî babetanê bînan de panelî bêrê viraştene û belgefîm û kayê tîyatroyî bêrê ramojnayene. Semedê domanan zî aktîvîteyê bireng bêrê viraştene. Hunermendê sey Mîkaîl Aslan, Kerem Sevînç, Mavîş Guneşere- Metîn - Kemal Kahraman, Erdogan Emîr, Babetna,Grup Vardîya, Yasemîn Goksu, Grup Munzur, Zelal Gokçe zî do bi deyîranê xo reng bidê festîvale.

Komîteya Amadekare seba wayîrvejîyayîşê Dêrsim, bawerî, tarîx, kultur, ziwan û xozaye veyna her kesî ke wa bêrê festîvale.