Dêrsim de 20 rojanê peyênan de waqayê Korona zaf zêdîyayî û yew roje de 120 waqayî ameyî dîyene.

Vakurê Kurdîstanî û Tirkîya de rojanê peyênan de waqayê Korona vera zêdîyenê.  Dêrsim de zî bi taybetî dîyayîşê hamnanî ra nata waqayê Korona vera zêdîyenê. Hemserekê Sendîkaya Kedkaranê Weşîye û Komelkî (SES) ya Dêrsimî Kahraman Yurukî derheqê babete de  qisey kerd. 

Yurukî pare kerd ke şaristan de yew roje de 120 waqayê Korona dîyenê û vat: ''Seba ke karantîna nêna caardene merdimê pozîtîfî şinê kar, teber, gêrenê. Coka ma vanê qey yew roje de şaristan de a raşte tewr tay 400 waqayî yenê dîyene. Şaristan de vera Korona qet yew tedbîr nêno girewtene. Têna merdimî bi xo tay tedbîran kenê.''

Yurukî îfade kerd ke beno ke varyantê neweyî yê janê Korona merdiman rê hîna bi giranî tesîr bikerê û vat: ''Ganî merdimî 'dozê vîrardişî yê derzîna Korona' bidê piro. Seba ke merdimî dormeyê xo bipawê, verê vilabîyayîşê janî bigêrê no doz zaf girîng o.''