Dêrsim de bi hezaran kesan Meydanê Seyîd Rizayî de 1ê Gulane Roja Karkeran fîraz kerde û seba qedyayîşê şer û kolonyalîzmî veng da.

Dêrsim de serkêşîya Platformê Kede û Demokrasî de 1ê Gulane ame fîrazkerdene. Bi hezaran kesan pê pankart û flamayan ver bi Meydanê Seyîd Rizayî rayraşîyayîş kerd. Rayraşîyayîş de sloganî ameyî eştiş û pankartî ameyî akerdiş.

Meydanê Seyîd Rizayî girseyan ra qij ame û tay kesî teberê meydanî de mendî. Şayîye de bi deyîranê kirdkî govende ameye girewtene.