DEDEFî beyan kerd ke, bi projeyê peyzajî yeno waştene ke Çimeyê Munzurî çin bibê û va: ''Munzur azad o û do azad biherîko.''

Federasyonê Komeleyanê Dêrsimî (DEDEF) seba ke eleqa bianco projeyê  peyzajî yê Çimeyanê Munzurî ser bînaya Komeleya Heqanê Merdiman (ÎHD) a Îstanbulî de kombîyayîşê çapemenîye kerd. Endam û îdarekarê DEDEFî zî tewrê kombîyayîşî bîyî.

Sekreterê Pêroyî yê DEDEFî Hasan Şenî kombîyayîş de qisey kerd û da zanayîş ke ê bi serrano  ke vera projeyanê winasênan têkoşîn danê û do nêverdê cografyaya Dêrsimî bi nê projeyan bêra talankerdene. 

Îdarekarê DEDEFî Yusuf Zîya Demîrçîyî zî vat: ''Seba bawerîya elewîtîye Çimeyê Munzurî zaf girîng ê. Bi nê projeyî wazenê kulturê ma çin bikerê. No projeyê îmha yo. Dêrsim tim talanî reyde têrî yo. Şarê Dêrsimî wayîrê  kultur, huner û bawerîya xo vejîyeno la îradeyê înan yeno astengkerdene. La Munzur azad o û do azad biherîko.''

Derheqê çalakîkeranê Çimeyanê Munzurî de tehqîqat