Antonyadis got: "Me hîn bersiva daxwaza Birîtanya nedaye".

Herwiha Antonyadis got: "Ji do ve, guhertinên mezin bi ser ezmanên Qibrisê de hatine."

Bi sedema gefan li ser rêjîma Sûriyê û egera encamdana êrîşeke mûşekî li dijî bingehên rêjîmê li Sûriyê, di çend rojên derbasbûyî de, kompaniyên firokevaniyê, nema ezmanê Sûriyê ji bo geştên xwe bikartînin û piraniya wan kompaniyan ezmanên welatên cîranên Sûriyê bikartînin.

Fermandeyê hêzên Birîtanî li Qibrisê, nexwest ti zaniyariyên berfireh li ser wê mijarê bide, tenê got: "Emê bi awayekî siruştî û wek rojên derbasbûyî karên xwe bikin".

Ji sala 1960î ve, Birîtaniya 2 bingehên serbazî li Qibrisê ava kiriye, ku yek ji wan firîngeheke serbazî têde hatiye avakirin û li gorî malpera Debka ya Israîlî, dibe ku Birîtanya wan bingehan di êrîşeke serbazî de, li dijî rêjîma Sûriyê bikar bîne.