Bi wesîleyê Roja Ziwanê Kurdkî Dîyarbekir de Kursîyê Ziwanî ame ronayene.

Çalakîyê Roşanê Ziwanê Kurdkîyî ameyê dest pêkerdiş. Hetê Tora Ziwan û Platformê Ziwanê Kurdkî ra Dîyarbekir de Kursîyê Ziwanî ame ronayene. Xeylê dezgeh û komaleyî beşdarê bernameyî bîyê. Bername bi deyîran dest pêkerd.

‘Ganî Kurdkî bibo ziwanê perwerdeyî’

Verî Hemserekê Med-Derî Rifat Ronîyî qisey kerd û va, “Îmkanê perwerdeyî nêdîyeno Kurdkî û Tirkî domananê Kurdan rê yena ferzkerdene. Ganî Kurdî wayîrê ziwanê xo bivejîyê û  bi xoverdayîşî nê heqî bifînê xo destî.” Badê çendna qiseykerdişan, endama komaleya edebîyatî Fatma Tunçe  şîîrêke wende. Peynîya çalakîye de mamoste Mazhar Aktaşî bi temsîlî dersa kurdkî daye.