Taximê Fûtbolî yê Amedî Amedsporî ewro kongreya xo ya hewtine viraşt û karsaz Azîz Elaldı sey serekê Kûluba Amedsporî ame weçînayîş. Kongre de  tenya Aziz Elaldı namzet bi.

Kişta bîne ra Serekê Odaya Sanayî û Bazirganî yê Amedî Mehmet Kaya xeylê temsîlkarê sazîyanê sîvîlan zî ameyî kongre.

Serekê Odaya Sanayî û Bazirganî yê Amedî Mehmet Kaya û serekê Amedsporî yo verîn Selahattin Yıldırımî zî kongre de qisêkerdişêk kerd û Azîz Elaldıyî rê serkewtiş waşt. 

Azîz Elaldı qisêkerdişê xo yê kongre de va  "Ez hêvî kena ke serra  2023-2024î serrêka weş bo semedê Amedsporî. Ez do Amedsporê ma rê xizmet bikî. Wa kûluba ma rê xeyrîn bo."

Heyetê Îdareyî yê Amedsporî de nê kesî ca gênê:

“Ahmet Elhanay, Yusuf Kaya, Ali Rıza Yıldırım, Ahmet Ülmez Cihan Yaman, Salih Pervane, Rojin Hillez, Bülent Oğuz, Mehmet Akgün, Ruken Turhan, Mervan Aslan, Selçuk Sacu, Veysi Koyun, Sözdar Ayata, Faysal Tosun, Remzi Dinar, Rojbin Tellioğlu ve Emrullah Güçlü” 

Azîz Elaldı Kam o?

Azîz Elaldı eslê xo mintiqaya Musyanî ya Çolîgî ra yo Dîyarbekir de wayîrê fîrmaya Azel Înşaatî yo û Zaza (Kird) o. Hetêk ra zî serekê Komela Dîmderî yo û Dîyarbekir de kesêko yeno şinasnayîş û heskerdiş o.  

Zazakî News