Goreyê raporê projeyê Haberîn Bedelî, aşma teşrîna verêne de 58 rojnamegeran û xebatkarê çapemenîye ameyê muhakemekerdiş û derheqê rojnamegeran de heta 896 serran cezaya zîndanî ameya waştiş.

Raporê aşma teşrîna verêne ya projeyê Haberîn Bedelî yê Cemîyetê Rojnamegeran ke bi paştdayîşê semedê Demokrasî Medya/Semedê Medya Demokrasî, dewayê rojnamegeran ê her aşmî yenê vînayîş û binpaykerdişê heqan ê rojnamegeran ci de ca gênê, ame eşkerakerdiş. Rapor de ame vatiş ke aşma teşrîna verêne de bi muhakemekerdiş, teda tehdîd û hêrişê serê rojnamegeran de pey xo de verda.

200 hezar tazmînatê manewî ame waştiş

Goreyê dayeyê raporî, aşma teşrîna verêne de 34 roniştişê cîya yê 9 bajaran ameyî vînayîş de tewr tay 58 rojnameger û xebatkarê çapemenî vejîyayî vernîya hukmî. Nê muhakemekerdiş de derheqê rojnamegeran de pêwa cezaya zîndanî ya muebbetî 272 serran ra heta 896 serrî 6 mengî û 15 rojan cezaya zîndanî û 200 hezar tazmînatê manewî ame waştiş.

Rojnamegerî ameyî tehdîdkerdiş

Rapor de ame vatiş ke rojnamegerê ke yenê muhakemekerdiş 10 înan ra beraet bîyê û hîrê dewayê ke qerar ser de ameyê dayîş de bi pêroyî 2 serrî û 5 mengî û 12 rojî cezaya zîndanî û 16 hezar û 660 TL cezaya pereyan rojnamegeran rê ameyê birnayîş. Rapor de ame dîyarkerdiş ke tedayê serê rojnamegeran bi muhakemekerdiş de bi sînor nîyo û eynî serdemî de derheqê 7 rojnamegeran de cipersayîşê newe ameyê akerdiş û wextê taqîbkerdişê xeberan de 2 rojnamegerî ameyê destbendkerdiş. Reyna 4 rojnamegerî zî raste rast hêriş înan rê ameyo kerdiş û ameyê tehdîdkerdiş.