Li Herêma Kurdistanê amarên pêketinan û mirina bi vîrûsa Koronayê bilind dibin. 

 Wezareta Tendirustiyê ya Herêma Kurdistanê ragihand; di 24 demjimêrên borî de 361 kes bi vîrûsa Koronayê (Covid-19) ketine û 5 kesan jî bi Koronayê canê xwe ji dest dane.

Wezareta Tendirustiyê di daxuyaniya xwe de eşkere kir; di 24 demjimêrên borî de 361 kes bi vîrûsa Koronayê ketine, ku ji wan 167 kes li Hewlêrê, 110 kes li Silêmaniyê, 75 kes li Duhokê, 3 kes li Helebce, 3 kes li Germiyanê û 3 kes li Raperînê ne.

Diyar kir jî, 3 kesan li Hewlêrê, kesekî li Silêmaniyê û kesekî jî Duhokê ji ber Koronayê canê xwe ji dest dane.

Wezareta Tendirustiyê da zanîn, 134 kes ji vê nexweşiyê rizgar bûne.

Amarên giştî:

Pêketin: 111877 kes.

Mirin: 3551 kes.

Başbûn: 105018 kes.

Wezareta Tendirustiyê, ji bilî ku destxweşiyê li karmendên tendirustiyê û hemû tîmên bijîşkî yên li ser kar in dike, careke din ji welatiyan daxwaz dike, pabendî rênimayên tendirustiyê bibin û ji cihê qerebalix dûr bikevin û mask û lepikan bikar bînin. Herwiha gava hewce bû telefonî hejmara 122ê bikin ku xeta yekser a ji bo Covid-19ê ye.