Wezareta Pêşmerge daxuyanî da: Wê terorîst û piştevanên wan baceke giran bidin

Wezareta Pêşmerge daxuyanî da: Wê terorîst û piştevanên wan baceke giran bidin

.

A+A-

Wezareta Pêşmerge li ser êrîşa terorîstên DAIŞê ya li bajarokê Mexmûrê daxuyaniyek belav kir.

Wezareta Pêşmerge ragihand, di encama êrîşa şeva derbasbûyî de 9 Pêşmerge û 3 sivîl şehîd bûne.

Wezareta Pêşmerge destnîşan kir, “Terorîst û ew ên piştgiriya wan dikin, dê baceke giran bidin.”

Terorîstên DAIŞê şeva derbasbûyî derdora demjimêr 22.00 êrîşî gundê Xidir Cîce yê li quntara çiyayê Qereçûxê kir û di êrîşa DAIŞê de sê bira yên xelkê wî gundî şehîd bûn.

Wezareta Pêşmerge diyar dike, “Piştî êrişê Hêzên Pêşmerge bi hawara xelkê de çûn û karîn di demeke kurt de rewşê kontrol bikin û terorîst jî reviyan.”

Wezareta Pêşmerge diyar kiriye, "Paşê Hêzên Pêşmerge li wê navçeyê operasyonek dan destpêkirin û yek ji wesayîtên Pêşmerge ket kemîna terorîstên DAIŞê û mixabin 7 Pêşmerge şehîd bûn.”

Wezareta Pêşmerge sersaxî ji kesûkarên şehîdan re xwest û ragihand, “Xwîna şehîdên me vala naçe û terorîst û ew ên piştgiriya wan dikin, divê baceke giran bidin.”

Di daxuyaniyê de tekezî li ser wê hat kirin, hevahengî û hevkariya di navbera Wezareta Pêşmerge û Wezareta Berevaniya Iraqê û Hevpeymanan de divê ji vê qonaxa xitimî derkeve, gelek bilez û bêyî çaverêkirin, operasyonên hevbeş destpê bikin û nabe zêdetir rê bi bidin ku cihên hewandinê yên terorîstan wek xwe bimînin û navçe parastî be.

Ev nûçe 254 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin