Qezaya Kerboranî ya Mêrdînî de yewa ci 72 serre, yewê ci 65 serre û cinîyêka digane zî tede 5 kesî ameybî destbendkerdene. Wextê nezaretî yê nînan qasê 4 rojan ame dergkerdene.

Taxa Xelîla ya qezaya Kerboranî ya Mêrdînî de 11ê çeleyî de 22 kesî ameybî destbendkerdene û înan ra 17 kesî zî tepişîyayî.

Ferîha Ercan (74), Musta Aslan (45), Mehmet Nezîr Duman (59), Emîne Gevcan (67) û Rabîa Arjîn Gecan Yîgîta di gane (23) wextê nezaretî yê înan qasê 4 rojan ame dergkerdene. 5 kesî vejîyayî verê Mehkemeya Cezaya Sulhe ya Nobetdare.

Ferîha pare kerd ke mêrdeyê ci nêweş o û kes çin o ke biewno ci. Emîne Gevcan zî ard ziwan ke destbendkerdişî ra nata pirnikê ci ra gonîye yena û wa bêra veradayene.

Arjîne Gevcan zî îfade kerd ke a tersena uca de domanê ci bimiro û waşt ke wa bêra veradayene.

La dadgerî wextê nezaretî yê 5 kesan qasê 4 rojan kerd derg.