Werzişvanê Kurd Cemîl Karahan bû şampiyonê Swêdê

Werzişvanê Kurd Cemîl Karahan bû şampiyonê Swêdê

.

A+A-

Werzişvanê Kurd ê judoyê Cemîl Karahan li Swêdê pileya yekem bi dest xist bû şampiyon û dê beşdarî şampiyoniya cîhanê jî bibe.

Werzişvanê Kurd Cemîl Karahan beşdarî tûrnûvaya judoyê ya ku li Stockholmê hat lidarxistin bû û hemû werzişvan ên herêmî bûn.

Cemîl Karahan ji Rûdawê re got, “Ez gelekî kêfxweş im ku wek Kurdekî min karibû li Swêdê pileya yekem bi dest bixim. Pêşbirk di kîloya 100 kg de bû û min karî rikeberên xwe bişkînim û bibime yekem.”

Cemîl Karahan anî ziman, “Piştî vê tûrnûvayê û bi destxistina pileya yekem, ez dixwazim di nav du mehan de xwe ji bo Şampiyoniya Cîhanî ya Ebû Dabî amade bikim û dixwazim ji bo cihên herî bilind pêşbirkê bibim û nav û dengekî bi dest bixim.”

Cemîl Karahan ê 31 salî li navçeya Dêrik a Mêrdîn a Bakurê Kurdistanê ji dayik bûye û di sala 1998an de bi malbata xwe re koçî Swêdê kiriye, ji wê demê ve li wir dijî, werzişvanê Kurd berî niha beşdarî çendîn turnuvayên navxweyî, Ewropa û navdewletî bûye û gelek madalya bi dest xistine. Cemîl Karahan kurê nivîskar û helbestvanê Kurd Enwer Karahan e.

 

Ev nûçe 117 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin