MERKEZÊ XEBERAN

Welatê ma Kurdistan hetê vilikan û gulan ra zaf dewlemend o. Bi helîyayîşê vore û bi ameyîşê wisarî, deşt, ware û koyanê Kurdistanî de tewir -tewir vilikî û gullê renginî abenî.

Nê vilî her yewê xo bi nameyanê cîya û weşan name benê û mîyan de zafê ci waharê hîkayeyêk ê.

Vilika 'Veyveke' zî înan ra yewêk a. Na vilike hema vaje her hetê welatî de abena. La çi heyf ke emrê aye zî sey villikanê bînan ê rindekan kilm o.

Goreyê ferhengê "Vate"yî nameyê na vile welatê ma de 3 tewir vajîyeno. Qismêk şarê ma tira vano ‘xaşxaşika kutikan’ qismêk vano ‘ edale’ û qismêko pîl zî tira vano ‘veyveke’.

Xususî mintiqaya Pîranî de tira vanê "Veyveke". Na vilike seke nameyê xo de zî bewlî beno, yena manaya veyve!

Wexto wisar yeno, gedeyê welatî nê vilikan arêdanê, peranê înan ê sûran qelbapey kêne, o wext orteyê ci sey sereyê veyve xemilnaye vejîyêno teber.  Bi no qayde vilike bîyênê sey kofika ke zemanêk eştêne veyvan sere.

Kenarê sereyê aye de piskilê ci sey gilê viraşte yê veyve nazik û xemilnaye şeqetîyêne hetê cêrî ser. Mîyanê şarî de vajîyeno ke şeklê ci manêno kofîya veyve, coka verînanê ma tira vato veyveke.

Xebere / RÛPELA NÛ