Şarê Dêrsimî: Ma projeya talankerdişî qebûl nêkenê

Şarê Dêrsimî: Ma projeya talankerdişî qebûl nêkenê

Şarê Dêrsimî vera projeyê awanîye yê Çimeyanê Munzurî razînêbîyayîşê xo mojna û îfade kerd ke, ê do destûr nêdê ke îbadetxaneyê înan bêro texrîbkerdene.

A+A-

Şarê Dêrsimî vera projeyê awanîye yê Çimeyanê Munzurî razînêbîyayîşê xo mojna û îfade kerd ke, ê do destûr nêdê ke îbadetxaneyê înan bêro texrîbkerdene.

 

Qezaya Pulirî ya Dêrsimî de Çimeyê Munzurî binê nameyê 'turîzmî' de bi projeyêk seba rantî yenê pêşkêşkerdene. Roniştox, rêxistinê komelê sivîlî û dezgehê tebîetî proje qebûl nêkenê. La Walîtîya Dêrsimî nika ra standê esnafan wedaritî. Walîyî zî vizêr şarê Dêrsimî beyanatê xo de kerdbi hedef.

Dewijanê Zîyaretî derheqê mesele de qisey kerd. Dewij Hasan Akdoganî vat: ''Munzur Baba erjê elewîyan o. Ma bi serrano ke Çimeyanê Munzurî de îbadet kenê. Dewlete seba projeyî fikrê ma nêgirewtî. Ma na proje nêwazenê, ma do nêverdê ke îbadetxaneyê ma texrîb bibo.''

Dewije Gulîzare Gun vist vîrî ke ê bi solan zî nêşinê çimeyan ser û va: ''Nika uca de merdimî dekewenê awe, pîknîk kenê, firaqan şuwenê. Ma wazenê ke jîyargeyê ma sey verî bimano. Wazenê destê ma ra jîyargeyê ma bigêrê. Ma qet destûr nêdanê ney. Eke îcab biko ma verê Munzurî de bendan virazenê. ''

Hasan Şengulî da zanayene ke aslê xo de proje 4 serrî verê cû dîyabi destpêkerdene la razînêbîyayîşanê şarî ver nêame ca. Şengulî va: ''Ganî vera nê projeyî şar bibo yew. Sewbîna çare çin a.''

Dewijê bînî Zekî Gunî vat: ''Awa tîyayî şîfa bî. Nika tede merdimî asnawe kenê, pîknîk kenê. Eke kepçe debikewo tîya xoza zî herimîyena. Beno ke awa ma zî verê xo bivurna. Ma do heta ke tîya de bibê vera naye têkoşîn bikerê.''

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin