Piştî şerê PKKê li Mêrdînê qedexeya derketina derve hat ragihandin

Piştî şerê PKKê li Mêrdînê qedexeya derketina derve hat ragihandin

.

A+A-

Bi biryara Parêzgariya Mêrdînê, li qezaya Artûklû ya wê parêzgehê qedexeya derketina derve hat ragihandin û operasyona hêzên ewlekariyê yên Tirkiyê jî li navçeyê berdewam e.

Parêzgariya Mêrdînê îro di daxuyaniyekê de ragihand, “ji demjimêr 05:00 îro Înê 10ê Îlonê ve heta derketina daxuyaniyeke duyemîn û bidawîbûna operasyonên li herêmê, li navçeya Artûklûyê û gundê Kurika Çeto û mezrayên derdora wê qedexeya derketina derve tê ragihandin.”

Ragihandina qedexeya derketina derve li wê navçeya Mêrdînê, piştî şerê duh ê di navbera gerîlayên PKKê û leşkerên Tirkiyê de tê, ku di encamê de polîsekî Operasyonên Taybet hat kuştin.

Doh Pêncşemê li gundê Kurika Çeto yê ser bi navçeya Artuklu ya parêzgeha Mêrdînê ve, di navbera gerîlayên PKKê û hêzên Tirkiyê de şer derket û di encam de polîsekî Tirkiyê birîndar bûbû, ku hat ragihandin ji tîma Operasyonên Taybet bûye.

Derbarê bûyerê de ji aliyê PKKê ve heta niha ti daxuyaniyek nehatiye belavkirin.

 

Önceki ve Sonraki Haberler

HABERE YORUM KAT

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin