PDK: Em êrişa li Hewlêrê weke çalakiyeke terorî û provakasyonî dinirxînin

PDK: Em êrişa li Hewlêrê weke çalakiyeke terorî û provakasyonî dinirxînin

“Ev êriş dê ji Tirkiye û Enqere zêdetir, zerarê bide Herêma Kurdistanê û Hewlêrê.”

A+A-


Serokê Koma Partiya Demokrata Kurdistanê (PDK) li Parlamentoya Kurdistanê Umêd Xoşnav êrişa îro ya Hewlêrê wek provakasyon bi nav kir û got: “Em vê êrişê wek çalakiyeke terorî û provakasyon dinirxînin.” Xoşnav herwiha got: “Ev êriş dê ji Tirkiye û Enqere zêdetir, zerarê bide Herêma Kurdistanê  û Hewlêrê.”


Serokê Koma PDKê li Parlamentoya Kurdistanê Umêd Xoşnav beşdarî bernameya televîzyonaî bû û derbarê duh ya li Hewlêrê de got ku ev êrişeke provakasyon e. Umed Xoşnav diyar kir armanca vê êrişê aramiya li Herêma Kurdistanê ye û wiha pê de çû: “Em wek PDK vê êrişî şermezar dikin û sersaxiyê ji malbatên qurbaniyan re dixwazin. Em vê êrişî wek çalakiyeke terorî û provakasyon dinerxînin. Ev êriş li hemberî dewleta Tirkiyê nehatiye kirin, lê aramiya Hewlêr û Herêma Kurdistanê armanca vê êrişê bûye.”


Xoşnav da zanîn ku heta niha nasnameya bikerên êrişî nehatiye zanîn û kê li paş vê êrişêne diyar nîne.
Derbarê karvedanên bûyerê de Xoşnav da zanîn ku kesên li peş êrişê ne şaşiyeke stratejîk krine û ev êriş dibe sedema bertekên raya giştî û got: “Bi kuştina diplomatekî ki Konsulxaneya Tirkiyê zerarê nadin wî welatî. Herwiha sinir û cografyaya Tirkiye gelek berfireh e, kesên ku bixwazin zerarê bidin Tirkiye dikarin li wê derê çalakiyên xwe bikin. Ev êrişeke terorî û provakasyon e.“


Umêd Xoşnav destnîşan kir ku hêzên Asayişa Herêma Kurdistanê ji bo girtina tawankaran dixebitin û derbarê bûyerê de lêpirsîn bi berfirehî berdewam e, û got: “Ti gumanên me nînin ku hêzên asayişa me dê vê bûyerê zelal bikin.”
Duh li nêzîkî avahiya Konsulxaneya Tirkiyê ya li Hewlêrê bûyereke teqekirinê çêbûbû, di encamê de xebatkarekî Konsulxaneya Tirkiyê ya Hewlêrê û du welatiyên sivîl ên Herêma Kurdistanê bi navên Nerîman Osman û Beşdar Remezan canê xwe ji dest dabûn.

Ev nûçe 71 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin