Raporê Sûryîye yê Neteweyê Yewbîyayeyî yo de sûcê şerî yê ke Tirkîya Sûrîye de kerdî ca genê, Roniştişanê Heqanê Merdiman de gerîya dest. Xeylêk deweletan waşt ke semedê cigêrayîşê nê sûcan selahîyet bidîyo Mehkemaya Ceza ya Mîyanneteweyîye.

Serekê Komîsyonê Cîgêrayîşî Paulo Sergio Pinheiro bale ante binpaykerdişê hewan ê Sûrîye ser û vat nê sûcê ke dewleta tirke û çekdarê ci herême de kenê sûcê şerî yê.

Pinherioyî qewimîyayîşê Îdlîb, Efrîn û Serêkanîyê ke binê îşxalê dewleta tirke û çeteyanê ci de yê vist vîrî vat Artêşa Mîlî ya Sûrîye ke Tirkîya paştî dana ci sûcanê şerî yê sey îşkence tecawuzî kena. Pinherîoyî vat: Cayê ke hetê UNESCOyî ra sey mîrasê kulturkî ameyî qebulkerdene ameyî rijanayene. Grûbe çekdarî yê  Sûrîye bi paştdayîşê Tirkîya têgerêne. Tirkîya nê sûcan ra bepirsîyar a. Tirkîya mecbura ke êyê ke kontrolê ci de bipawê û tazmînat bido mexduran. Ganî sûcdarî çarçewa huqûqê mîyanneteweyî de bêrê mehakemekerdene.

Dima ra temîslkaranê dewaletanê ke endamê Konseyê Heqanê Merdiman rapor qebûl kerd.

Luksemburg: Ma nê hêrişan rexne kenê û wazenê ke sûcdarî vejîye werte.

Îtalya: Ganî nê sûcî bêceza merê verdayene. Wa berpirsîyarî bêrê muhakemekerdene. Îtalya do çîyo ke destî ci ra bêro bikero. Heta ke edelat çînê bo haştîye nêbena.

Yewîya Ewropa: Tirîya asayîşê herême ra berpirsîyar a. Heme selahîyetdarê ke herême de naye ra berpirsîyar ê. Semedê cigêrayîşê nê sûcan selahîyet bidîyo Mehkemaya Ceza ya Mîyanneteweyîye.

Irlanda: Nê sûcî ganî  Mehkemaya Ceza ya Mîyanneteweyîye de bêrê dest girewtene.

Almanya: Ma qerqilîyene ke herême ke binê kontrolê Tirkîya de yê sûcê şerî benê. Ganî heme aktorî goreyê huqûqê mîyanneteweyî têbigêrê.

Kuba: Hêzê rojhelatê ke paştî danê terorîstan, binpaykerdişê heqan û merdişê sîvîlan ra berpirsîyar ê.