PAK: Ma Ewro Welatperwero Kurd Vakkas Çelik Oxir Kerd

PAK: Ma Ewro Welatperwero Kurd Vakkas Çelik Oxir Kerd

PAK (Partîya Azadîya Kurdistanî): Kedkar û têkoşero welatperwer, dilsozê dewaya azadîya Kurdistanî Vakkas Çelik do her wext têkoşînê azadî de biciwîyo.

A+A-

Welatperwero Kurd Vakkas Çelik(Haydar/Cabîr) roja 27.03.2020î paytaxtê Fransa  Parîs de nêweşîya Korona ra wefat kerdbi.

 

Ewro saete.15.00 de cenazeya hevalê mo yo welatperwer Vakkas Çelîk resa Teyaragehê Dîlokî (Entab). Keyeyê Vakkas Çelikî û heyetêka PAKî şîyî cenazaya rehmetî vera û bi otomobîlêka taybete ya Beledîyeya Dîlokî verê xo day dewa rehmetî Vakka Sûrgûc. Sûrgûc dewêka qezaya Dîlokî Kelê ya. 

 

Qezaya Yavûzelî de hêzê Cendermeyê Dewleta Tirkîya otomobîla cenaza girewt binê kontrolê xo. Dewa Sûrgûcî de zî Cendermeyan va, PAK partîyêka yasayî nîya, coka nêverdayê wa heyeta PAKî çelenga PAKî mezelê rehmetî Vakkasî ser o ronê. La heyeta PAKî no muamele qebûl nêkerd  û îspat kerd ke PAK partîyêka yasayî ya. Naye ser o Cendermayan destûr da ke wa heyeta PAKî çelenga PAKî mezelê rehmetî ser o rono.

 

Semedê tedbîrê corona vîrusî gama ke kek Vakkas amêne heqkerdiş, Cendermeyan nêverda wa keyeyê rehmetî, heyeta PAKî û şêlikê dewe bêrê mezel ser o.

 

Xeylî welatan ra bi hezaran heskerdoxê ey, heval û dostê welatperwerê Kurd Vakkas  Çelikî ( Haydar/Cabir) waştêne beşdarê merasîmê cenazeya rehmetî bibê. La seba tedbîrê corona vîrusî çi heyf ke nêeşkay beşdar bibê. 

 

Kedkar û têkoşero welatperwer, dilsozê dewaya azadîya Kurdistanî Vakkas Çelik do her wext têkoşînê azadî de biciwîyo.

  

03.04.2020 

 

Buroya Çapemenî û Têkilîye ya PAKî

 

img-20200403-wa0028.jpg

img-20200403-wa0027.jpg

img-20200403-wa0026.jpg

Ev nûçe 354 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin