PAK: Ganî Baroyî derheqê Parlamentoyê Tirkîya ke Kurdkî rê vano ‘’ziwano ke kes nêzano çi ziwan o’’ de dewa akerî

PAK: Ganî Baroyî derheqê Parlamentoyê Tirkîya ke Kurdkî rê vano ‘’ziwano ke kes nêzano çi ziwan o’’ de dewa akerî

.

A+A-

Buroya Çapemenî û Têkilîye ya PAKî:

"Ganî Baroyî derheqê Parlamentoyê Tirkîya ke Kurdkî rê vano ‘’ziwano ke kes nêzano çi ziwan o’’ de dewa akerî

Tay Baroyê (Dezgeyê Yewitîya Avukatan) Kurdistanî, semedo ke kurdkî rê bêhurmetîya kerda, derheqê Dîdem Arslan Yilmaz de dewa akerde. Ma semedê nê teşebûsê înan, Baroyan pîroz kenê.

Na bêhurmetîya Didem Arslan Yılmaz ke kurdkî rê kerda bîya sebebê xeylê reaksîyonan. Li gel Partî û rêkxistin û kesayetanê kurd, zaf kesê ke mîyanê AKP, CHP, DEVA Parti, Gelecek Partisî de ca gênê zî na kerdêna Didem Arslan Yılmaz şermezar kerd. Nê razînêbîyayîşî û şermazarkerdişê ê kesan helbet ke baş o, hewl o. La çi heyf ke ê kesê ke mîyanê ê partîyan de ca gênê û Didem Arslan Yılmaz şermezar kenê, nêvînenê yan nêwazenê bivînê ke Merkezê Partîyê înan hetanî ewro vera kerdên û helwesta Dewleta Tirkîya û yê Parlamentoyê Tirkîyeya de, yê ke ziwanê kurdkî çîne hesibnenê û qedexe kenê, tu helwest nêgirewtê û eqsê ci de her tim desteg day qedexeyan.

Belê esasê xo de dezgeyê neheqîya en pîle ziwanê kurdî rê kenê Parlamentoyê Tirkîya û Qanûnê Bingehîn ê Tirkîya yê û Dewleta Tirkîya xo ya.

Ewro bi namê TRT-Kurdi telewîzyonêka Dewlata Tirkîya esta, mekteban de dersa weçînaye ya kurdkî esta, tay unîwersîteyan de Beşê Ziwan û Kulturê Kurdkî esto. La tu bingehêkê qanûnî yê nê her hîrê çîyan zî çin yo. Hîna zî Qanûnê Bingehîn û heme Qanûnanê Tirkîya de Kurdkî çin ya, Kurdkî qedexe ya. Heto bîn ra, Parlamentoyê Tirkîya (TBMM), qeydê xo yê resmî de, hîna zî ziwanê kurdkî sey "ziwano ke kes nêzano çi ziwan o " name keno. Parlamento de qiseykerdişê bi Kurdî ke bene zî qeydanê resmîyan de nênê nuştiş.

Parlamentoyê Tirkîya (TBMM) bi na helwesta xo ziwanê kurdkî rê bêrêzî keno, ziwanê kurdkî çîne hesibneno û eslê xo de rayîrê heqê tewr meşru yê qiseykerdişê bi ziwanê xo yê dayîke gêno.

Eger Parlamentoyê Tirkîya (TBMM) bi no qayde têbigêro, helbet ke yê sey Dîdem Arslan Yilmaz zî do cesaretê xo TBMM ra bigîrê û do ziwanê kurdkî rê bêrêzî bikê.

Semedê nê raştîyan zî eger cayêk rê dewa bêra akerdene o ca ganî Dewleta Tirkîya bi xo bo, ganî Parlamentoyê Tirkîya bo.

Gorê qenaetê ma, yo en raşt no yo ke, semedo ke Parlamentoyê Tirkîya kurdkî çîne hesibneno, bêrêzîye ziwanê kurdkî re keno, ganî Baro Dewleta Tirkîya rê dewa akero ,derheqê Parlamentoyê Tirkîya de ke mercaîyeto en berz o yê Dewleta Tirkîya yo rê dewa akero. Badê zî nê Baroyî ganî çîne hesibnayîş û qedexe, neheqî û bêrêziyê ke ziwanê kurdkî rê benê bibere vernîya Komîsyonê Heqê Merdiman yê Netewê Yewbîyayî (UN) û Mehkemeya Heqê Merdiman a Ewropa."

27.08.2021

Buroya Çapemenî û Têkilîye ya PAKî

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin