Neteweyê Yewbîyayeyî: Efrîn de sucê merdimîye esto!

Neteweyê Yewbîyayeyî: Efrîn de sucê merdimîye esto!

Komîsyonê Cipersayîşî yê Sûrîye yê Neteweyê Yewbîyayeyî raporê xo yo ke eşkera kerd de da zanayene ke Efrîn de yo ke binê îşxalê dewleta Tirkî de yo sucê merdimîye yeno kerdene.

A+A-

Komîsyonê Cipersayîşî yê Sûrîye yê Neteweyê Yewbîyayeyî raporê xo yo ke eşkera kerd de da zanayene ke Efrîn de yo ke binê îşxalê dewleta Tirkî de yo sucê merdimîye yeno kerdene.

 

 

Komîsyonê Cipersayîşî yê Mîyanneteweyî yê Xoserî yê Sûrîye  yê Neteweyê Yewbîyayeyî (NY) semedê Roniştişanê Hewanê Merdiman ê 42’ine yê Konseya Heqanê Merdiman a Neteweyê Yewbîyayeyî (NY) yê ke 9’ê Êlule de dest pêkerdî, raporêk hedre kerd. Rapor de behsê  binpaykardişê heqanê merdiman bi.

 

Rapor de derheqê hêrişanê vera şarê Efrînî de ame vîrardene ke seke Efrîn kewto binê kontrolê dewleta Tirkî û çekdaranê ci ra nata problemê asayîşî dewam kenê û nê ameyî vatene: ‘‘Hetê çekdaran ra zî grûbanê bi sîlehan ra Kurdan rê îşkence yeno kerdene û heme heqê înan yenê binpaykerdene. Ê ke peyser agêrenê Efrînî destûr nêdîyeno ke şirê bananê xo û mal û milkê şarî yeno destsernayene. Mîrasê tarîxî û Kulturkî yeno çînkerdene. Cinî û qicê kênayî bizor yenê qefilnayene û reyna nuqtayanê kontrolî de raştê tacîzî yenê. Nê heme hêriş, zext û binpaykerdişê heqan ê ke çarçeweya sucanê merdimîye de yê bi destê mekamanê Tirkî yenê kerdene.”

 

Rapor de reyna  bale ameye antene şertanê kampanê Hol, Roj û Ayn îsa yê Rojawanî yê ke keyeyê çeteyanê DAÎŞ’î zî tede manenê ser û ame vatene ke problemê înan ê cîdî estî. Peynîya raporî de semedê werte ra wedartişê binpaykerdişê heqan ê herra Sûrîye pêşnîyazî ameyî kerdene.

Ev nûçe 0 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin