Mehkemeya Mardînî cezaya hefsî ya 20 aşman da Endamê Meclîsa PAKî Şeyhmus Unalî

Mehkemeya Mardînî cezaya hefsî ya 20 aşman da Endamê Meclîsa PAKî Şeyhmus Unalî

.

A+A-

Mehkemeya Cezaye ya Mêrdînî, semedê tay parekerdişanê ey yê ser sosyal medya derheqê endamê Meclîsa Partîye ya PAKî Şeyhmus Unalî de dewa akerdbî. La na dewa bi îdîaya ‘‘Şeyhmus Unal propagandaya PKK-KCKî kerdo’ ameya akerdene.

Nê çend serranê peyênan de derheqê Serekê PAKî, xeylî rayber û endamanê PAKî û xeylî welatperweran de bi îdîaya’propagandaya PKK-KCKyî kerdê, ra û bi îdîaya ‘’endamtîya PKK-KCKyî’ ra dewayî ameyê akerdiş û zaf kesî nê îdîayan ra ceza zî girewtê.

Na dewa ke derheqê endamê Meclîsa Partîye ya PAKÎ Şeyhmus Unalî de ameya akerdiş, roja 25.02.2021 de netîce bîya. Mehkama 20 aşmî cezaya hefsî daya Şeyhmus Unalî. Dem û dezgeyê dewleta Tirkîya zî mehkemeya Mêrdînî zî baş zanê ke tu eleqeya Şeyhmus Unalî bi PKK-KCK reyde çin a. La onca zî bi na îdîa ceza dîyaya hevalê ma. Şexsîyetê ey yo sîyasî yê Şeyhmus Unalî aşkere yo, her kes zano.

Avukatê ma do îtîrazê na ceza bikê.

Na ceza dewamîya sîyasetê bin paykerdiş û çine kerdişê azadîya fikrî û ya xebata rêxistinî ya. Helbet ke tu ceza û tehdît do nêeşkê PAKî û şarê ma yê cefakarî rayîrê azadîya Kurdistanî ra açarno.

Ma na cezaya ke ameya birnayene zî, îdîaya ke mehkeme vana‘‘Şeyhmus Unal propagandaya PKK-KCKyî kerdo’’ zî şermezar kenî.

Şeyhmus Unal endamê Meclîsa Partîye ya PAKî yo û hetêk ra zî weçînayîşê Herêmî yê serra 2019 de namzetê Îtîfaqê Welatperper û Demokrat yê Şaredarîya Qoserî ya qezaya Mardînî bi.

27.02.2021

Buroya Çapemenî û Têkilîye ya PAKî

 

Ev nûçe 234 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin