Lavrov: Em dê hewl bidin Sûrîye tevahîya axa xwe kontrol bike

Lavrov: Em dê hewl bidin Sûrîye tevahîya axa xwe kontrol bike

Wezîrê Derve yê Rûsyayê Sergey Lavrov ragihand ku Rûsya dê îsrar bike ku artêşa Sûrî bi lezgînî tevaya erdên dewleta xwe bixe bin kontrola xwe.

A+A-

Navenda Nûçeyan- Wezîrê Derve yê Rûsyayê Sergey Lavrov li Êrîvanê di press-konferansê de   li ser encamên hevdîtina bi hevkarê xwe yê ji Ermenistanê Zohrab Mnatsakanyan li ser rewşa dawî ya li Sûrî axivî.

Sergey Lavrov dîyar kir ku ew ew dê îsrar bikin ku artêşa Sûrî  pir bi bilez û di zûtirîn demê de tevaya erdên dewleta xwe kontrol bike û got: “Tenê ev yek dikare dawîyeke pêbawer  li terorîzmê bîne û ji bo çareserkirina hemû pirsgirêkên girêdayî bi proseya sîyasî bibe alîkar.”

Lavrov herwiha ragihand ku mayîna Amerîkayê li Sûrîyê û hewldana bo kontrolkirina zevîyên petrolê derqanûnî ye û ew hewl ti alîkarîyê bo çareserkirina krîza Sûrîyê nake.

Wezîrê Derve yê Rûsyayê di heman demê de hebûna hêzên Amerîkî li rojhilatê Feratê weke gef û metirsîyekê nîşan da.

Çavkanî:Rûdaw

 

Ev nûçe 103 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin