Galûrê ke qasê mengêke şîn manenê, koyanê Dêrsimî xemilnenê.

Dewa Axdatî ya qezaya Pulirî ya Dêrsimî de galûrî Koyê Sultanî zîl benê û herême xemilnenê.

Galûrê ke nîşaneyê xemgînîye yê koyan ê bi nameyê 'Şilêrî' zî şinasîyenê. 

Merdimê ke wazenê nê vilanê rindan bivînê qasê saetêke û nêm şinê. Galûrê ke qasê mengêke şîn manenê, koyanê Vakurê Kurdîstanî xemilnenê.

Galûrî 80 cm ra heta 120 cm benê derg û tewr tay 200 tewirê ci est ê. Vakurê Kurdîstanî de 43 tewirê galûran est ê û nînan ra 20ê ci endemîk ê.

Goreyê dîn û bawerîyan hîkayeya galûran wina ya:

Xirîstayanan de wina vajîyeno ke wexto ke Hz. Îsa çarmixî rê dîyeno hêsirê ke çimê Dayîke Meryeme ra yenê war benê awa mîyanê galûran.

Bawerîya asûrîyan de zî wina vajîyeno ke galûre şewan awe dana arê, serê sibayî zî na awe kokî ra herikîyena war. Coka asûrîyî ci rê vanê 'veyva bermaye' û galûre sey fîraze hesibnenê.

Goreyê rîwayetêkê bînî Hz. Huseyîn wexto ke Kerbela de yeno şehîdkerdene lajê ci bermeno û coka galûre milê xo çewt kena û rengê ci zî sûr o.

PİRHA