Goreyê malumatanê Kolbernewsî dewleta îranî mîyanê 9 serran de 548, serra 2021î de zî 54 kolberî qetil kerdî.

Kolbernews hûmara kolberanê ke mîyanê 9 serran de ameyî qetilkerdene eşkera kerde.

Goreyê raporî 2012î ra heta 2021î sînorê Rojhilatê Kurdîstanî de netîceya hêrişê dewleta îranî yê vera kolberan de 548 kolberî kişîyayî û hezar 61 kolberî zî birîndar bîyî. 

Goreyê raporî bîlançoya tewr girane serra 2019î de qewimîya. 2019 de 80 kolberî ameyî qetilkerdene. Serra 2021î de zî 54 kolberî ameyî qetilkerdene û 165 kolberî zî birîndar bîyî.