Hikûmeta Kurdistanê: Krîz bi Rojava sînordar namîne

Hikûmeta Kurdistanê: Krîz bi Rojava sînordar namîne

Encûmena Wezîran a Hikûmeta Herêma Kurdistanê, aşkere kir ku êrişeke yek alî li Rojavayê Kurdistanê dê sûdeke wê ji ti alîyan re nebe û krîz dê bi Rojava jî sînordar nemîne.

A+A-

Navenda Nûçeyan

 

Encûmena Wezîran a Hikûmeta Herêma Kurdistanê doh di bin serokatîya Serokwezîr Mesrûr Barzanî de civînek saz kir.

 

Piştî civînê daxuyanîyeke nivîskî hat belavkirin û hat ragihandin ku di civînê de dawîn pêşhatên li Rojavayê Kurdistanê, Iraq û herêmê hatine gotûbêjkirin.

Derbarê êrişa Tirkîyê ya bo ser Rojavayê Kurdistanê hatiye gotin, “Alozbûna rewşa Rojavayê Kurdistanê dibe sedema encamên xirab û ev encamên han jî vê tenê bi sînorên Sûrîyê re nemînin belûu dibin sedema awarebûna hezaran kesên din ku piranîya wan jî vê berê xwe bidin Herêma Kurdistanê. Jiber vê yekê divê kêşeyên heyî bi rêya diyalog û rêbazên aştîyane werin çareserkirin û biryara yek alî ya leşkerî ne di berejwendîya ti welatekî deye.”

Herwiha hatîye gotin ku pêşhat û guhertinên vê dawî yên Iraq û Sûrîyê jî hatine gotûbêjkirin û tekezî li ser piştgîrîya bo daxwazên rewa û destûrî yên xwepîşanderan bi awayekî aştîyane û medenî hatîye kirin.

Hatîye gotin ku ew piştevanîya Serokwezîrê Iraqê Adil Ebdulmehdî bo çareserkirina kêşeyan dikin.

 

Ev nûçe 0 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin