Navenda Nûçeyan- Komîsyona mafên mirov ya Iraqê hejmara kuştî û birîndarên xwepêşandanên vê dûmahîkê yên Iraqê ragihand.

Xwepêşandan û alozîyên ku ji roja 25 vê mehê li Bexda û çend bajarên din yên Iraqê dest pê kiribûn, heta niha jî didomin. Di wan xwepêşandanan de gelek kes hatine kuştin û gelek kes jî birîndar bûne.

Komîsyona mafên mirov ya Iraqê ragihandîye, heta niha 74 kes di xwepêşandanan de hatine kuştin û sê hezar û 654 kes jî birîndar bûne.

Destpêka vê mehê jî li paytext Bexda û çend bajarên din yên Iraqê xwepêşandan hatibûn kirin. Di wan alozîyan de jî bi dehan kes hatibûn kuştin û bi hezaran kes jî birîndar bibûn.