Gotinên mamosteyekê yên derbarê Kurdî de rastî bertekên mezin hat

Gotinên mamosteyekê yên derbarê Kurdî de rastî bertekên mezin hat

.

A+A-

Mamosteyê li ser hesabê xwe yê Twitterê gotiye ku tehemula wê nemaye ku herkes Kurdî diaxive. 

Li gundê Girê Mîra ya girêdayî Nisêbîna Mêrdînê mamosteyeke dibistanê di hesabê xwe yê twitterê de nivîsand ku ew dixwaze tayîna wê bo dereke din derkeve ji ber ku tehemula wê nemaye ku herkes Kurdî diaxive. Gotinên mamosteyê, rastî bertekên berfireh û tund hat.

Mamosteyeke jin ku li gundê Girê Mîra ya girêdayî Nisêbîna Mêrdînê mamostetiyê dike di twittera xwe de sivikatî li zimanê Kurdî kir.

Di hesabê xwe yê twitterê de nivîsand: “Xwedêyo! bila tayîna min bo dereke din derkeve. Tehemula min ji bo axaftina bi Kurdî nema, herkes bi Kurdî diaxive.”

Li ser vê yekê di medyaya civakî de bertekên berfireh û tund hatin nîşandan.

Ji ber ku bertek berfireh bûn û deng veda Qeymeqamtiya Nisêbînê daxuyaniyek belav kir û got ku hesabê twitterê ya wê mamosteyê bêyî wê hatiye bikaranîn û ya ew twît avêtî ne ew e. Lê piştî demekê hat dîtin ku Qeymeqamtiya Nisêbînê jî daxuyaniya xwe paşve kişand.

Hat ragihandin ku Wezareta Perwerdehiyê jî derbarê bûyerê de lêpirsîn daye destpêkirin.

K24

Ev nûçe 142 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin