Qezaya Licê ya Amedî de eskeran eşt zaf keyeyan ser, tewr tay 35 kesî ameyî destbendkerdene.

Operasyono ke dewanê Dêrxust, Huseynîg, Cinezûr û Mişirfî yê qezaya Licê ya Amedî de 9ê çeleyî de dîyabi destpêkerdene, dewam keno.

 Netîceya operasyonî de 8 kesê ke sereştişê keyeyan de ameybî tepiştene bi îdîaya 'endamîya rêxistine' ameybî tewqîf kerdene.

Ewro reyna dewanê Dêrxust, Xezmaz û Sîse de eskeran eşt zaf keyeyan ser. Operasyonî de tewr tay 35 kesî ameyî destbendkerdene. Kesê ke ameyî destbendkerdene bi wesayîtanê zirxinan û sîvîlan neqlê Qereqolî bî.