Dîzaynerê navdar ê Kurd koça dawiyê kir

Dîzaynerê navdar ê Kurd koça dawiyê kir

Dîzaynerê li cîhanê navdar ê Kurd Luigi Colani ango bi navê xwe yên din Lutz Colanî di temenê xwe yê 91 saliyê de koça dawiyê kir.

A+A-

Dîzayner Luigi Colani ku li Almanya, Îtalya, Meksîka, Japon, Rûsya û Çînê bi dahênanên xwe yên ne ji rêze bibû dîzaynereke naskirî, li bajarê Karlsruhe yê Almanyayê di nexweşxaneyekê de kaça dawiyê kir.

 

Hevjîna Colani, Yazhen Zhaoyê agahiya koça dawî ya wî ragihand.

 

Luigi Colani di 2yê Tebaxa 1928an de li bajarê Berlîn ji dayîk bûye û bavê wî xelkê Başûrê Kurdistanê bû û dayîka wî jî Polonî bû.

 

Colanî endezyarê pîşesazî, dizayner û avahîsaz bû, ew bi dîzaynên  otomobîl, balafir, televîzyon û kamerayan navdar bû. Herwiha Colanî kelûpelên malan û cilûberg jî dîzayn dikir.

 

Dîzaynerê Kurd ji destpêka sala 1950an ve lige kompaniyên weke Fiat, Alfa Romeo, Lancia, Volkswagen û BMWê kar kir û ji bo otomobîlên van kompaniyan kelûpel dîzayn dikir. Colanî herwiha ji dizaynerê kameraya Canon T20ê ye.

 

Luigi Colani her tim cilûbergên spî lixwe dikir û ew di sala 2004ê de li Davosê beşdarî Dîdara Aborî ya Cîhanî bibû.

 

RÛDAW

 

Ev nûçe 431 caran hatiye xwendin
Etiket :
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin