Dinya de hûmara kesê ke bi vîrusê Korona kewtî 1 mîlyar vîyart

Dinya de hûmara kesê ke bi vîrusê Korona kewtî 1 mîlyar vîyart

Pandemîya vîrusê Korona (Covid-19) pêro dinya de mîlyonêk merdimî kerde nêweş. Hûmara qurbanan resa 46 hezar.

A+A-

Merkezê Xeberan - Vîrusê Korona yo ke menga kanûne de şaristanê Wuhanî yê Çînî de vejîya werte pêro dinya de vila beno.

Rêxistina Weşîye ya Dinya (WHO) derheqê vilabîyayîşê vîrusî de tersa xo pare kerd û îfade kerd ke hewteyo ke bêro de hûmara qurbanan do zêdêr bibo.

Goreyê doneyanê Unîversîteya John Hopkinsî heta şewa çarşemeyî pêro dinya de en tay 926 hezar kesî 187 welatan de pê vîrusî kewtî.

Hetê hûmara nêweşan ra Amerîka rêza yewine de ya. Amerîka de 209 hezar kesî pê vîrusî kewtî.

Îtalya de tewr tay 100 hezar û 500 kesî, Îspanya de 102 hezar kesî, Çîn de 82 hezar û 300 kesî, Almanya de tewr tay 77 hezar û 500 kesî, Fransa de 57 hezar û 700 kesî, Îran de tewr tay 47 hezar û 600 kesî, Brîtanya de tewr tay 30 hezar kesî pê vîrusê Korona kewtî.

Hûmara merdimanê ke vîrusê Korona ra merdî pêro dinya de 46 hezar û 400 kesî derbaz kerd. Têna mabênê 24 saetanê peyênan de goreyê doneyanê fermîyan nêzdîyê 5 hezar kes merdî û 77 hezar kesî pê vîrusî kewtî.

Mabênê 24 saetanê peyênan de tewr zaf DYA de vîrusî gan girewt. DYA de 1306 kesî, Îspanya de 864 kesî û Îtalya de 727 kesî vîrusê Korona ra merdî.

Îtalya de menga sibate ra nata 13 hezar û 155 kesî merdî. Îspanya de zî heta nika 9 hezar û 53 kesî merdî. DYA de zî 4 hezar û 476 kesî merdî. Fransa de zî hûmara qurbananê vîrusê Korona 4 hezar û 782 kesî ya. Çîn de goreyê doneyanê fermîyan 3 hezar û 312 kesî vîrusî ra merdî.

Îran de zî 3 hezar û 36 kesî Korona ra merdî.

 

Ev nûçe 312 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin