Demîrtaş peyameke serxweşiyê arasteyî HUDA PARê kir

Demîrtaş peyameke serxweşiyê arasteyî HUDA PARê kir

Hevserokê berê yê HDPê Selahattîn Demîrtaş, peyameke serxweşiyê arasteyî HUDA PARê kir.

A+A-

Hevserokê berê yê Partiya Demokratîk a Gelan (HDP) Selahattin Demîrtaş, bi boneya wefata Cîgirê Serokê Giştî yê Partiya Doza Azad (HUDA PAR) Mehmet Yavuz, peyameke serxweşiyê arasteyî wê partiyê kir.

 

Parêzer Sitki Zîlan, peyama serxweşiyê ya Demîrtaş li ser hesabê xwe yê twitterê belav kir.

 

Selahattîn Demîrtaş ku zîndanê de ye, di peyama xwe de dibêje, Xwedê Mehmet Yavuz bi rehma xwe şa bike û hêviya sebrê ji malbata Yavuz re dixwaze.

 

Demîrtaş herwiha dibêje bi hêviya ku gelê me bi rihê yekrêzî û biratiyê, di şahî û şînan yekgirtî be, silavên xwe pêşkêş dike.

 

Cîgirê Serokê Giştî yê HUDA PAR Mehmet Yavuz ku bavê 4 zarokan bû, 9ê Tebaxê li nexweşxaneya lê dihat dermankirin canê xwe ji dest dabû.

 

Mehmet Yavuz, beriya 6 mehan ji ber nexweşiya penceşêrê bo nexweşxaneyê hatibû rakirin û dihat tedawîkirin.

 

Hevserokê berê yê HDPê Selahattîn Demîrtaş roja 4ê Mijdara 2016an, li gel Hevseroka HDPê ya wê demê Fîgen Yuksekdag û 9 parlamenterên wê partiyê, hatibû desteserkirin û piştre biryara girtina wî bi hinceta ‘avakirin û endamtiya rêxistinê’ hatibû dayîn û ji wê demê ve li bajarê Edîrne yê Tirkiyê di zîndanê de ye. 

Ev nûçe 61 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin