DAIŞê li Kifrî êrîşî hêzên Pêşmerge kir: Pêşmergeyek şehîd bû, 3 jî birîndar bûn

DAIŞê li Kifrî êrîşî hêzên Pêşmerge kir: Pêşmergeyek şehîd bû, 3 jî birîndar bûn

.

A+A-

Terorîstên DAIŞê li qezaya Kifrî êrîşî ser hêzeke Pêşmerge kir ku li gorî zanyariyên destpêkê Pêşmergeyek şehîd bûye û 3 Pêşmergeyên din jî birîndar bûne.

Hat ragihandin îşev terorîstên DAIŞê li nêzîkî bendava Baweşasiwar a li bakurê bajarokê Kifrî êrîşî ser hêzên Pêşmerge kirine.

Li gor zanyariyên destpêkê Pêşmergeyek şehîd bûye û 3 Pêşmergeyên din jî birîndar bûne ku Pêşmerge bi rêya kamereyên çavdêriyê ji tevgerên çekdarên DAIŞê li deverê agahdar bûne. 

Fermandarê Lîwa 17an General Diler Mehmud ji medya Kurdistanê re daye xuyakirin ku 6 terorîstên DAIŞê bi motorsîkletan êrîşî sengerên Pêşmerge kirine.

Hat zanîn cihê sengera Pêşmerge ya rastî êrîşê hatiye, nêzîkî kêlgeha neftê li nêzîkî bendava Baweşasiwar li bakurê bajarokê Kifrî ye û êrîş li ser hêza lîwaya 9 a Pêşmergeyên hevbeş pêk hatiye. Navê Pêşmergeyê şehîd bûye Mihemed Mensur e û xelkê bajarê Xurmatûyê ye.

Ev nûçe 250 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin