Qezaya Cizîre ya Şirnexî de tayînkerdişê qeyûmî ra dima tabelayê kurdkî ameyî wedaritene û kafeyan de kurdkî amebî qedexekerdiş.

Roşanê Qurbanî ra verî qeza de Merkezê Bazirganîye (AVM) yê bi nameyê Park Cîzre amebi akerdiş. Wayîranê dikanan ê AVMyî xebatkaran rê qedexe kerd ke  muşterîyan reyde kurdkî qisey bikerê.

Goreyê zanayîşanê ke xebatkaran ra ameyî girewtene, wayîranê dikanan xebatkaran rê va ke, dikanan de seba qeydê veng û dimenî hacetî estê û qiseykerdişê kurdkî qedexe yo.

Ame zanayîş ke, muşterîyêkî/e xebatkaran rê persa 'Şima çira kurdkî fam kenê la tirkî cewab danê?' Xebatkaran zî wina cewab da: ''Wayîranê dikanan kurdkî qedexe kerde. Eke ma kurdkî qisey bikerê ma do karê xo ra bibê.''