Navenda Nûçeyan- Serok Mesûd Barzanî wî zarokê kurd yê Rojavayê Kurdistanê, ku di êrişa artêşa Tirkîyê de birîndar bûye, bo dermankirinê dişîne Fransa.

Televîzyona K24 ragihand, Serok Barzanî ferman daye Mihemed, ew zarokê kurd ku di êrişa artêşa Tirkîyê de li bajarê Serê Kanîyê yê Rojavayê Kurdistanê bi çekên qedexe birîndar bûye, bo dermankirinê bişînin Fransa.

Mihemed çend roj berê û li ser vexwandina Dezgeha Xêrxwazî ya Barzanî ji bajarê Qamişlo bo Duhokê hatibû veguhestin û niha li nexweşxaneya Duhokê tê dermankirin.