21ê Sibate Roja Ziwanê Maye ya Mîyaneteweyî Pîroz Bo

21ê Sibate Roja Ziwanê Maye ya Mîyaneteweyî Pîroz Bo

.

A+A-

Roja 21ê sibate hetê UNESCOyî ra dinya de sey ‘’Roja Ziwanê Maye ya Mîyaneteweyî’’ ameya qebûlkerdene.

Dinya de tu ziwanêk qasê ziwanê Kurdkî(Kurmancî û Zazakî/Kirmanckî) hendê rastê zulm û neheqî û asîmîlasyonî nêameyo.

Bi taybetî zî Bakurê Kurdistanî û Tirkîya de, hetanî demêko nêzdî zî ziwanê Kurdkî çîne amêne hesibnayene.

Nika hetê perwerde û weşangerî ra tayn gamê hewlî amê eştene. La hema zî ziwanê Kurdkî ziwanêko fermî nîyo. Hema zî bi ziwanê Kurdkî perwerde nêameyo qebûlkerdene.

Rîyê sîyasetê Dewleta Tirkîya yo bi desan ra, xeylî Kurdê bakurî nêeşkenê û nêzanê bi ziwanê dadîya xo qalî bikê. Na trajedî û travmayêka pîl a.

Lazim o heme Kurdê welatperwerî na mesela de programanê taybetan hadre bikerê. Gere ziwanê Kurdkî cuyo rojane de bibo ziwanê ma yo esasî. Gere ma mûsayîş û qalîkerdişê ziwanê Kurdkî sey prensîbêko esasî cuyê xo de bîyare ca.

Gere heme şaredarî, weqif, dezgehê sivîl û karsazî wendegeh û kursanê taybetan yê perwerdeyîya kurdkî abikerê.

Roja Ziwanê Maye wa biba destpêkê qezenckerdişê heqê perwerdeyîya bi ziwanê Kurdkî bi hawayêko resmî.

21ê Sibate de her Kurdêk gere bi ziwanê maya xo qalî biko. 21ê Sibate wa biba destpêkê mûsayîşê ziwanê Kurdkî.

21ê Sibate Roja Ziwanê Maye Pîroz Bo

Ziwanê Ma estbîyayîşê Ma Yo!

Ma Kurdkî bimûse!

21.02.2021

Buroya Çapemenî û Têkilîye ya PAKî

 

pak2-015.jpgpak3-014.jpgpak4-016.jpg

Ev nûçe 171 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin