Îdayeke nû li ser herêma tampon a ku piştî vekişîna Amerîkayê li Sûriyê û Rojavayê Kurdistanê dê were avakirin derkete holê.

Li gor nûçeya rojnameya Amerîkî Wall Strett Journalê, Amerîka dixwaze hevpeymaniyekê ji welatên Rojavayî pêkhatî ava bike da ku berê şer û pevçûnên di nav Tirkiye û Kurdan de bigire û herêma tampon a navhatî jî vê hevpeymanê biparêze.

Li gor nûçeya WSJê, daxwaz ev e ku herêma tampon wê ji aliyê Fransa, Brîtanya û Avustralyayê ve were avakirin. Hat gotin ku Amerika beramberî bicihkirina leşkerên van hersê welatan li şûna leşkerên Amerîkî, pêşniyaza alîkariya çekdarî jî kiriye.

Di nûçeyê de tê gotin Tirkiyeya ku sond xwariye herêma xwe ya tampon ava bikei li dijî vê fikrê derketiye. 

Herwiha hat gotin Amerîka soz daye van hersê welatan ku li Iraqê hêzeke reaksiyonî ya bilez dê bihêle da ku wexta pêdivî pê çêbû, bilez wê derbasî Sûriyê bibe.

Di nûçeyê de hat gotin ku Îlham Ahmeda ku aniha li Washîngtonê ye piştgiriyê vê planê kiriye