Serokê Amerîkayê Donald Trump ragehand ku ew dizanin kî êrîş kiriye ser Siûdiyê û ew amadene bersivê bidin.

Serokê Amerîkayê Donald Trump di tora xwe ya civakî twitterê de ragehand, Amerîka amadeye bo bersivdana wan aliyên ku êrîşa dijî şîrketa Aramco ya Siûdiyê pêkanîne.

Trump ragehand, niha bê guman ve em dizanin kî êrîş pêkaniye, ‘’Lê em li benda temambûna lêkolînan in û em amadene bersivê bidin.’’

Piştî wê daxuyaniya Trump Qesra Spî wêneyekî hatiye girtin li ser peyka esmanî ve belav kir, ku tê de teqez dike saziyên Aramco bo 17 mûşekên Cruz ve ji Îran û Iraqê ve hatine bomberan kirin.

Roja 14.09.2019ê hejmarek balefirên bê balefirvan du saziyên şîrketa Aramco ya Siûdiyê li bajarokê Beqîq a rojhilatê Siûdiyê kirin armanc.

Ji ber wê êrîşa balefirên bê balefirvan du teqîn li du kargehan de pêkhat û agirek mezin berbû wê şîrketa neftê.