Yekîtiya Ewropayê û Rêkxistina Tendirustiyê ya Cîhanî heta dawiya vê mehê 50 tonên alîkariyên mirovî dişînin Sûriyeyê, ku têra piraniya pêdivîtiyên tendirustî dikin.
France Pressê ji zarê Berdevka Rêkxistina Tendirustiyê ya Cîhanî Mrinalini Santhanam parve kiriye, “Ew alîkarî ji bo Stenbola Tirkiyeyê hatine veguhastin û biryar e li dawiya vê mehê piştî temamkirina rêkarên gomirkî bigehin Sûriyeyê.”
Yekîtiya Ewropayê li naverasta vê mehê ragehandibû ku, bi rêya Tirkiyeyê bizavê ji bo çêkirina pireke gehandina alîkariyên mirovî ji bo Sûriyeyê dikin, ev jî piştî nemana Rijêma Esed wekî pêşengiya yekê ya Ewropayê ji bo alîkarîkirina xelkê Sûriyeyê tê hesibandin.
Li dû zanyaran, pêdivîtiyên girêdayî niştergeriyên bilez û dermanên serekî û pêdivî di nav wan alîkariyan de hene.
Herwesa Şêwirmendê Taybet ê Karûbarên Pilandananê yê Rêkxistina Tendirustiya Cîhanî Lorenzo Dal Monte jî amaje da, “Ew alîkarî li ser dezgehên tendirustiyê yên Sûriyeyê tên parvekirin, ji bo ku li seranserî Sûriyeyê û xasma jî li Idilb û Helebê feyde jê bê wergirtin.”
Rûdaw